Pétur Valur með tvö silfur á Belgian Open
Um síðastliðna helgi var Belgian Open haldið í Tongeren Belgiu en þangað fór hópur Íslendinga frá Ármanni, Aftureldingu, ÍR og Keflavík til að keppa bæði í poomse og sparring.
Pétur Valur var keppandi Ármanns í þessari ferð og keppti hann í þremur keppnisflokkum. Í einstaklings poomse fékk hann silfurverðlaun og einnig fengu Pétur og Aþena Kolbeins úr Aftureldingu silfur í para poomse. Pétur keppti jafnframt í hópa poomse ásamt Sigurjóni og Adrian úr Aftureldingu en þeir komust ekki á pall að þessu sinni.
Þetta er annað erlenda mótið sem Pétur Valur tekur þátt í með glæsilegum árangri.