Frjálsíþróttafólk úr Ármanni í Bandaríkjunum – Kristján Viggó Sigfinnsson
Kristján Viggó, hástökkvari, byrjaði frjálsíþróttaferil sinn hjá Ármanni en æfir nú hjá einum besta hástökksþjálfara Bandaríkjanna á meðan hann stundar nám í viðskiptafræði við University of Arizona.
Kristján Viggó á öll Íslandsmet sem skráð eru í hástökki í aldursflokkum 11-15 ára, hann hefur jafnað metið utanhúss í flokknum 16-17 ára og bætti metið innanhúss í sama flokki árið 2020 í 2,15m. Sama ár náði hann 2. sæti á NM fullorðinna í Helsinki. Í febrúar í ár stökk hann 2,20m og þar með er hann búinn að ná lágmarki fyrir EM U23 sem fram fer í Finnlandi næsta sumar.
Kristján Viggó er einstakt efni í hástökkvara á heimsmælikvarða.