Gleði og góður árangur á Bónusmóti FH
Flottur hópur Ármenninga á aldrinum 7-13 ára tóku þátt í Bónusmóti FH sem haldið var í Kaplakrika á laugardaginn 29. mars. Að vana voru mörg persónuleg met slegin en þó voru nokkrir iðkendur sem stálu senunni að þessu sinni:
Þorsteinn Ari Þórarinsson náði fyrsta sæti í 60m hlaupi (9,42 sek.), 200m hlaupi (33,29 sek.) og langstökki (3,84m) í flokki pilta 9-10 ára.
Jökull Hauksson og Helgi Björnsson voru báðir meðal þremur efstu í 60m hlaupi og langstökki 12 ára pilta. Helgi náði þar að auki 3. sæti í kúluvarpi þegar hann varpaði kúlunni 6,33m.
Hjá stúlkunum skiptu Ragna Tryggvadóttir, Guðrún Lind Garðarsdóttir, Aría Bergmann Hauksdóttir og Inga Þóra Gylfadóttir með sér efstu fjórum sætum í bæði 60m hlaupi og langstökki í 12 ára flokki. Ragna var í 1. sæti í báðum greinum - hún hljóp 60m á 9,20 sek. og stökk 4,02m í langstökki.
Ylfa Salóme Juto tók svo 1. sætið í kúluvarpi 12 ára stúlkna þegar hún varpaði kúlunni 8,65m.